Prokuroria e Tiranës ka mbyllur hetimin për skandalin e Unazës së Re, duke ia kaluar dosjen gjykatës. Hetimet kanë përfunduar në prag të festave të fundvitit, ndërsa si i pandehur në gjykatë është dërguar vetëm Avdjol Dobin – përfaqësuesi në arrati i kompanisë DH Albania.
Siç raporton “Reporter.al”, dosja e DH Albania ka mbërritur në gjykatë më 27 dhjetor me akuzën e “falsifikimit të dokumenteve”.
Hetimet për DH Albania nisën në dhjetor të vitit 2018, pas publikimit në media të fakteve sipas të cilave kompania, e cila ishte shpallur fituese e njërit prej loteve të tenderit të Unazës së Re, kishte falsifikuar datën e regjistrimit në Delawere të Shteteve të Bashkuara dhe bilancin e tre viteve.
DH Albania ishte fituese e lotit të parë prej 18 milionë euro për rindërtimin e Unazës së Re. Pas zbulimit të skandalit, Ministria e Infrastrukturës dhe Energjisë zgjidhi kontratën me kompaninë DH Albania.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
