Apple ka menduar të shtyjë lançimin e Iphone 12 që pritej të dilte në shtator. Ky lajm është raportuar në faqen e internetit Nikkei Review.
Përveç problemeve në zinxhirin e prodhimit, "Apple ka frikë se situata aktuale mund të zvogëlojë ndjeshëm dëshirën e konsumatorëve për të azhurnuar telefonat e tyre, gjë që mund të çojë në një pritje të vakët të iPhone të parë 5G ", ndërsa kompania ka pritur që iPhone i parë të jetë një sukses.
Rënia në shitjet e telefonave inteligjentë të gjeneruar nga Covid-19 tashmë ka filluar të manifestohet dukshëm. Në shkurt, sipas të dhënave nga Counterpoint Research të raportuara nga faqja e internetit e Reuters, shitjet globale të smartphone-ve ranë me 14%. Në Kinë, ku Apple dhe prodhuesit e tjerë ulën grilat e dyqaneve muajin e kaluar, rënia ishte edhe më e theksuar: -38%.
Në këtë kontekst, Apple do të monitorojë epideminë në SHBA dhe Evropë, dy tregje të cilat së bashku përfaqësojnë më shumë se gjysmën e shitjeve të iPhone. Vendimi përfundimtar për shtyrjen e mundshme do të merret në maj./ansa.it/
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
