Deputetja e PDK-së, Flora Brovina, pasi është intervistuar sot nga prokurorët specialë të Kosovës lidhur me foton e prezentuar dje nga ajo, u është përgjigjur sot interesimit të gazetarëve. Brovina, e zhgënjyer tha se nuk e ka besuar asnjëherë që dëshmia që e publikoi dje mund të mos jetë i saktë.
“Fotografia me gjasë është e falsifikuar. Ju kërkoj falje të gjithëve, sidomos grave të dhunuara. Mua ma kanë dorëzuar foton diku në vitin 2003 në një zarf. Nuk më ka shku mendja me verifiku sepse e kam nga 2003. Personi që ma ka dhënë është aktivist për të drejtat e njeriut ”, tha ajo.
Brovina tha se këtë fotografi e posedon që nga viti 2003 të cilën ia ka dhënë Komisioni për Persona të Zhdukur dhe se sipas saj sipas informatave kjo ngjarje i është thënë se ka ndodhur diku në rajonin e Dukagjinit, dhe se nuk mban mend emrin e personit që ja dha këtë foto.
"Shumica e dhunimeve në Kosovë kanë pasur kësi lloj situata, unë nuk kam besuar që ky dokument mund të jetë jo i saktë. Saktësinë e tij do ta vërtetojnë organet e shtetit. Deklaroj që krejt këtë punë që 20 vite e kam kryer me shumë vullnet dhe në mënyrë shumë profesionale. Kryetarja e Komisionit për Persona të Zhdukur në vitin 2003 ma kanë dhanë këtë dokument/ fotografi e ruaj nga ajo kohë. Tash mbas kësaj kohe të gjatë të dal i falsifikuar është shumë i keq. Kam pas informatën e saktë që kjo ngjarje ka ndodhur në Dukagjin. Personi në fjalë ka qenë aktivist i të drejtave të njeriut, ndërsa Mevlyde Saraqi ka qenë nënkryetarja", u shpreh ajo.
Deputetja e PDK-së Flora Brovina, është intervistuar në Departamentin e Hetimeve të Policisë së Kosovës, në cilësinë e dëshimtares, kurse ka pohuar se për të mirën e shtetit të saj, është e gatshme edhe të jap dorëheqje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
