Forcat ukrainase kanë rifituar kontrollin e qytetit të Kharkiv, i dyti për nga madhësia pas Kievit.
Deklarata u bë nga guvernatori rajonal, Oleh Synyehubov, me anë të një postimi në Telegram.
“Kontrolli mbi Kharkiv është plotësisht i yni! Forcat e Armatosura, policia dhe forcat e mbrojtjes po punojnë dhe qyteti po pastrohet plotësisht nga armiku”, shkroi guvernatori.
Trupat ruse mundën të hynin gjatë natës në qytetin e Kharkiv, i dyti më i madh në Ukrainë.
Situata në terren mbetet e tensionuar dhe pretendimet për kontrollin e qytetit janë të vështira për t’u verifikuar - por civilët në terren i kanë thënë BBC-së se Kharkiv është kthyer nën kontrollin e Ukrainës dhe se konflikti në rrugë po zbutet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
