Skandali i radhës që ka përfshirë Kishën Katolike duket se nuk ka ndonjë ndikim te imazhi që Papa ka te besimtarët.
Për ta, Papa Françesku përfaqëson shpresën e qetësinë, është i sinqertë, i përulur, por edhe i vendosur.
Një sondazh i kryer së fundmi nga SWG tregon se 43% e të pyeturve besojnë se Papa po afron kishën te njerëzit.
Sondazhi është kryer në 5-8 shtator dhe pyetja e parë ka qenë ajo për pedofilinë.
Pyetjes nëse Papa po sillet siç duhet teksa përballet me këtë çështje, shumica (53%) i përgjigjen pozitivisht. Te katolikët praktikantë, kjo shifër arrin në 70%.
Nga sondazhi del se Papa perceptohet si “njeriu që qëndron shumë më përpara se pjesa më e madhe e priftërinjve dhe peshkopëve italianë”.
Ndërsa sa u përket reformave brenda kishës, 39% e të pyeturve besojnë se Papa nuk do ta rinovojë dot kishën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
