Një ligj i ri ka hyrë në fuqi në Australi që u jep të drejtë punonjësve që të mos u përgjigjen telefonatave apo mesazheve nga punëdhënësit e tyre pasi të kenë mbaruar orarin e punës.
Ligji i ri i lejon punonjësit të injorojnë komunikimet pas orarit të punës, pa frikë se do të ndëshkohen nga shefat e tyre. Një studim i publikuar vitin e kaluar vlerësoi se Australianët punonin mesatarisht 281 orë jashtë orarit të papaguar çdo vit. Më shumë se 20 vende, kryesisht në Evropë dhe Amerikën Latine, kanë rregulla të ngjashme.
Ligji nuk i ndalon punëdhënësit të kontaktojnë punëtorët pas orarit të punës. Megjithatë, ai i jep stafit të drejtën të mos përgjigjet nëse refuzimi i tyre nuk konsiderohet i paarsyeshëm.
Sipas rregullave, punëdhënësit dhe punonjësit duhet të përpiqen të zgjidhin mosmarrëveshjet mes tyre. Nëse kjo është e pasuksesshme në gjetjen e një rezolute, Komisioni i Punës së Drejtë të Australisë (FWC) mund të ndërhyjë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
