Nivelet e vaksinimit në Europë janë ende larg nga ajo që nevojitet për të ndaluar një ringjallje të virusit. Kështu ka paralajmëruar drejtori rajonal i OBSH për Europën, Hans Kluge në daljen e tij të fundit.
“Nivelet e deritanishme të imunizimit nuk janë të mjaftueshme për t’u mbrojtur nga një ringjallje e virusit. Me grumbullimet sociale në rritje, festivalet e turnetë sportivë që po mbahen çdo ditë duhet bërë kujdes. Nëse vendosni të udhëtoni, bëjeni me përgjegjësi”, tha Hans Kluge.
Mw tej ai sqaroi se i ashtuquajturi varianti Delta, që u identifikua për herë të parë në Indi është shqetësues, pasi për të shumë detaje mbeten të panjohura.
Ai u bëri thirrje shteteve europiane të shmangin përsëritjen e “gabimit” të verës së kaluar kur masat u liruan para kohe.
Sipas tij, kontinenti “nuk është aspak jashtë rrezikut” në betejën kundër COVID-19 pavarësisht nga një rënie e qëndrueshme e normave të infeksioneve në javët e fundit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
