Një vatër zjarri është aktivizuar në majën e malit Shashicë në Vlorë, ku flakët kanë përfshirë një sipërfaqe të konsiderueshme me kullota dhe pyllëzime.
Zjarri ka avancuar në një zonë me terren të thepisur, duke e bërë të pamundur ndërhyrjen tokësore. Për pasojë, është aktivizuar ndërhyrja nga ajri.
Dy avionë tip Canadair, të vendosur në Shqipëri si pjesë e mbështetjes ndërkombëtare për përballimin e zjarreve, po operojnë në zonë.
Mjetet ajrore janë duke marrë ujë nga deti i Vlorës për të ndihmuar në shuarjen e flakëve. Aktualisht, zjarri ndodhet larg zonave të banuara, përfshirë fshatin Kaninë, megjithatë përparimi i tij ndikohet nga era e fortë bregdetare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
