Presidenti i Serbisë, Aleksandar Vuçiç, ka paralajmëruar nga Moska se do të flasë me presidentin e Rusisë, Vladimir Putin, që të ketë një qendrim në lidhje me problemin e Kosovës.
Kreu i shtetit serb ndodhet në Moskë ku do të takohet me shefin e Kremlinit që dje u betua në mandatin e tij të katërt si president i vendit. Gjatë vizitës së tij zyrtare, Vuçiç ka thënë se kur të takohet me Putin do t'i thotë se kur të gjithë po angazhohen maksimalisht për çështjen e Kosovës, do të ishte e rëndësishme që edhe Rusia të dalë me qëndrimin e saj politik.
“Do t'i them presidentit Putin, që jo vetëm me mbështetjen direkte që i ofron Serbisë, por të dalë pa ekuivokë me qëndrimin e tij politik në të gjitha organet edhe në institucionet dhe organizatat ndërkombëtare për Kosovën", ka thënë Vuçiç.
I pyetur se çfarë porosie do t'i jap homolohut të tij rus kur ai të takohet, Vuçiç ka folur shkurt.
“Do t'i them presidentit Putin që ta shikojmë më thellë problemin e Kosovës dhe Metohisë”, ka thënë ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
