Në Kosovë, Ministria e Arsimit ende nuk ka një vendim zyrtar për nisjen apo jo të vitit të ri shkollor më 14 shtator. Ministri i Arsimit, Ramë Likaj, ka deklaruar se vendimi do të merret pas rekomandimit të Ministrisë së Shëndetësisë dhe IKSHPK-ja.
“Ne jemi të përgatitur dhe siç e dini sipas Ligjit Anti-COVID, Ministria e Shëndetësisë dhe IKSHPK-ja kanë disa kompetenca shtesë, presim rekomandimin e tyre për ta nxjerrë ne vendimin për fillimin e vitit të ri shkollor”.
Por ndërkohë, në Kosovë do të nisë testimi i mësuesve në mënyrë rastësore.
“Ne kemi informata se do të testohen 1500 mësimdhënës në nivel të Kosovës, që i bie mbi 5,6 për qind për ta ditur gjendjen e infeksionit se me cilën gjendje po hyjmë në këtë vit të ri shkollor. Ka filluar testimi sot, kanë shkuar mësimdhënësit e përzgjedhur në mënyrë të rastësishme për t’u testuar në Ferizaj”, ka thënë ministri Likaj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
