Një ngjarje e rëndë dhe e pazakontë ka ndodhur në Kosovë mëngjesin e së dielës. Nëpunës të shtetit, zyrtarë që që kanë qenë në Qendrën e Numërimit të Rezultateve kanë përfunduar në spital me simptoma alegjie: kruarje e djegie në duar e fytyrë dhe temperaturë. 26 zyrtarët kosovarë dyshohet se janë helmuar nga zarfet me votat e ardhura nga Serbia dhe po trajtohen në Qendrën Klinike Universitare të Kosovës.
Procesi i verifikimit të zarfeve me vota, të ardhura nga Serbia, është ndërprerë rreth orës 11:00 dhe rasti tashmë është nën hetim nga policia e Kosovës, sipas zëdhënësit të policisë së Kosovës, Daut Hoxha.
5 kuti rreth 80 litërshe kanë ardhur nga Serbia me vota, të cilat pas hapjes kanë kutërbuar. Procesi i numërimit të votave të ardhura nga Serbia ka nisur mëngjesin e sotëm dhe është ndërprerë pas disa minutave për shkak të kutërbimit. Policia është njoftuar për rastin. /GazetaExpress/
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
