Eksperti rrugor Arben Luzi, për aksidentet me 52 të vdekur në tre muaj thotë se njerëzit para se të dalin në rrugë, duhet të dinë të ngasin automjetet pasi bëhen pengesë për drejtuesit e tjerë.
Duke folur për “MCN Informacion”, ai tha se policia është mbikëqyrëse e zbatimit të Kodit Rrugor dhe të ndëshkon, por se tani ndëshkimi bëhet direkt nga zyra.
Ndëshkimin e bën vetë makineria me kamera inteligjente dhe të gjithë ne nëpërmjet telefonit e gjejmë ndëshkimin. Ka aplikacione që i kontrollon.
Ne jemi të rrugëve të vjetra të dy korsive 5.8 metra. Rrugët kanë marrë përmirësim shumë të madh, ka vend për përmirësime në sinjalizim, ka projektime rrugësh që kanë lënë për të dëshiruar, por në përgjithësi rruga ka marrë formën e saj.
Pas viteve 2002 rruga ka pasur gjithmonë ndryshimet e saj, por ne kemi problem mënyrën e ecjes.
Në rrugët interurbane, çuditërisht lëvizim të gjithë në korsinë e krahur të majtë, dalja nga Tirana deri në Qafë Kashar ka bllokim.
Të gjitha makinat ecin me 20 në orë. Njerëzit nuk dinë të ngasin automjetin dhe bëhen pengesë për drejtuesit e tjerë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
