Mediat e kishin krahasuar me rastin e vogëlushes britanike, Madeleine McCann. Isabel Celis është zhdukur në 20 prill të vitit 2012, kur ishte vetëm 6 vjeçe.
Babai i saj denoncoi në atë kohë se e kishte gjetur bosh krevatin ku flinte vogëlushja në shtëpinë e tyre në Tucson.
Pas zhdukjes në mënyrë misterioze të vogëlushes, hetimet vijuan për pesë vjet të tjera. Ato kanë marrë fund pikërisht sot, kur kufoma e vogëlushes u gjet në një zonë rurale në kontenë Pima. Zona nuk ka asnjë lidhje me vendet që frekuentonin vogëlushja dhe familja e saj.
Ekspertë u është dashur plot një muaj për të arritur në përfundimin se eshtrat i përkisnin Isabelës së vogël. Tashmë policisë do t’i duhet edhe shumë kohë për të zbuluar se si ajo përfundoi në atë zonë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
