Serbia ka arritur përsëri t’i kthejë në data-bazën e Interpolit flet-arrestet për Thaçin dhe Haradinajn dhe sipas zëvendëskryeministrit të Kosovës, Enver Hoxhaj Beogradi është duke keqpërdorur organizatat ndërkombëtare.
Hoxhaj tha se ky keqpërdorim i institucioneve dërkombëtare ga ana e Serbisë, po vazhdon duke përdorur akuza që tashmë janë dëshmuar të jenë të rrejshme.
Zëvendëskryeministri deklaroi se këto veprime nuk janë as në rymën e marrëdhënieve të mira fqinjësore, as në frymën e perspektivës evropiane, e aq më pak kjo nuk do të ndihmojë normalizimin e raporteve es dy vendeve.
“Serbia vazhdon të abuzojë me organizatat ndërkombëtare për ta dëmtuar Kosovën përmes flet-arresteve të Interpolit, me deklarata që tashmë janë dëshmuar të jenë të pavërteta. Kjo sjellje nuk është në frymën e marrëdhënieve të mira as të perspektivës evropiane, aq më pak e ndihmon normalizimin e marrëdhënieve mes dy vendeve”, ka shkruar Hoxhaj në "Twitter".
Ndërakq, ministri i Brendshëm serb ka deklaruar se Interpoli i ka rikthyer flet-arrestet për presidentin dhe kryeministrin e Kosovës, të cilat ishin tërhequr nga data-baza e kësaj organizate në dhjetor të vitit të kaluar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
