Zëdhënësja e Ministrisë së Jashtme ruse Maria Zakharova ka deklaruar sot se Uashigtoni është bërë palë në konfliktin në Ukrainë.
"Uashingtoni, i cili efektivisht është bërë pjesë e konfliktit, nuk do të jetë në gjendje t'i shpëtojë përfshirjes së tij në terrorin e regjimit të Kievit kundër popullsisë civile të Rusisë dhe të çlirohet nga përgjegjësia për vdekjet dhe shkatërrimet e shkaktuara nga armët amerikane”, tha Zakharova, raporton RIA Novosti.
Zakharova kujtoi një seri sulmesh ukrainase ndaj qyteteve dhe qytezave ruse, "veprime të tilla të regjimit të Kievit kryhen me miratimin e Shteteve të Bashkuara, e cila është e përfshirë drejtpërdrejt në drejtimin e sistemeve të artilerisë dhe raketave", tha ajo. Reagimi i Moskës vjen pas raportimeve se SHBA pritet të dërgojë raketa “Patriot” në Ukrainë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
