Bisedimet në samitin e G7 në Kanada nuk kanë arritur të zgjidhin dallimet e thella midis Presidentit të SHBA, Donald Trump, dhe liderëve të vendeve të mëdha industriale.
Ndarjet u zbuluan të premten, veçanërisht mbi tregtinë.
Aleatët e SHBA janë të zemëruar ndaj vendimit të fundit të z. Trump për të imponuar tarifa për importin e çelikut dhe aluminit, duke ngritur frikën e një lufte tregtare globale.
Është e paqartë nëse një komunikatë e dakorduar nga të gjithë do të dalë kur mbledhja përfundon të shtunën.
Takimi dy-ditor po mbahet në qytetin La Malbaie, në provincën e Quebec. Trump do të niset herët të shtunën për në Singapor për një takim të rëndësishëm me udhëheqësin e Koresë së Veriut, Kim Jong-un.
Ky samit filloi shumë keq, dhe mund të përfundojë pa komunikimin e zakonshëm të dakorduar nga të gjithë, raporton korrespondenti i BBC, James Robbins.
Ndarjet midis Trump dhe gjashtë udhëheqësve të tjerë shkojnë shumë përtej tregtisë, ato përfshijnë ndryshimet klimatike, marrëdhëniet me Iranin dhe konfliktin izraelito-palestinez.
Kancelarja gjermane, Angela Merkel, është njëri prej atyre që argumentojnë se mund të jetë më mirë të përcaktohen ato dallime në vend se të japin një përshtypje të rreme të unitetit. Është më e ndershme, tha ajo, se të pretendosh se gjithçka është në rregull.
Të tjerë ende besojnë se mund të gjendet një lloj konsensusi, dhe Trump thotë se shpreson të përparojë. Por nuk ka dyshim për izolimin e shefit të Shtëpisë së Bardhë.
Është një samit vjetor që bashkon Kanadanë, SHBA, Britaninë e Madhe, Francën, Italinë, Japoninë dhe Gjermaninë, të cilat përfaqësojnë më shumë se 60% të vlerës neto globale mes tyre.
Rusia u hoq nga grupi në vitin 2014 për shkak të aneksimit të Krimesë nga Ukraina. Të premten, Trump bëri një thirrje të papritur për Moskën që të ripranohet, por kancelarja gjermane, Angela Merkel, tha se anëtarët e tjerë ishin kundër kësaj ideje.
Ndërkohë, një samit tjetër ndërkombëtar po mbahet në Kinë. Presidenti Xi Jinping po pret një takim të Organizatës së Bashkëpunimit të Shangait (SCO), një bllok rajonal i sigurisë, në qytetin lindor të Qingdao.
Presidenti Vladimir Putin i Rusisë, si dhe liderët nga Irani, India, Pakistani dhe katër aziatikët qendrorë po marrin pjesë, raporton BBC.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
