Kosova hedh hapin e parë për reformimin e sistemit të drejtësisë.
Në mbledhjen e katërt të qeverisë “Kurti” është votuar themelimi i Grupit të Ekspertëve të Pavarur për draftimin e skenarëve dhe elementeve të reformës së vetingut në Sistemin e Drejtësisë.
Grupi në fjalë ka afat deri më 30 maj 2020 për t’i paraqitur Qeverisë dhe Ministrisë së Drejtësisë një raport me skenarë dhe alternativa për reformën e vetingut në Sistemin e Drejtësisë.
Kryeministri Kurti njoftoi në përfundim të mbledhjes se ky grup do të shqyrtojë “opsionet që duhen ndjekur për realizimin e vetingut mbështetur në objektivitet, integritet profesional dhe më së shumti në parime që e bëjnë reformën të mbrojtur nga interferimi i kujtdo”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
