Një mesazh i shpërndarë ditët e fundit në WhatsApp ku thuhet se qeveria do të shpërndajë 5000 lekë të reja për të gjithë ata persona që kanë një fëmijë deri në 10 vjeç ka krijuar turma të mëdha njerëzish në dyert e “Abi Bank”.
Nga ana e saj banka ka njoftuar se ky mesazh është fals pasi ky bonus është i vlefshëm vetëm për fëmijët që nuk kanë tërhequr ende bonusin e lindjes.
Ndërsa vetë qytetarët janë shprehur se ka qenë një sms që i ka drejtuar drejt dyerve të bankës në kërkim të bonusit.
“Duke paraqitur një certifikatë personale të fëmijës dhe një familjare, por me vulë të njomë jo nga e-albania. Kjo është e vlefshme deri më 14 Mars, dmth çdo kush mund të shkoj që sot për t’a terhequr”, thuhet ndër të tjera në mesazh.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
