Matilda Makoçi flet për rininë dhe marrëdhënien me të birin

Ish-­bashkëshortja e kryeministrit Edi Rama, aktorja Matilda Makoçi, ka rrëfyer detaje nga rinia e saj dje në emisionin ‘E Diell’ në “Top Channel”. Makoçi ka folur edhe për marrëdhënien me të birin, Gregor Rama.

Pjesë nga intervista:

Krasta: Djemtë në atë kohë në gjimnaz…si me thënë, ke marrë ndonjë letër dashurie?

Makoçi: Kishin respekt, jo. Më kanë kënduar një këngë “O Matilda o Matilda, zemra për ty më rreh tik­tak, të dua përjetë”. Poezia është lloji më i mrekullueshëm letrar.

Krasta: Dua të të bëj edhe një pyetje të fundit, ti je aktore dhe mama.

Makoçi: Po jam dhe mama.

Krasta: Është i rritur, ke informacion për jetën e tij?

Makoçi: Natyrisht që m’i thotë të tëra, sa mundet mosha e tij të tregojë. Zgjedh se çfarë më thotë.

Krasta: Ne jemi plakur tashmë.

Makoçi: Mosha bën të vetën, koha ikën…