Shkencëtarja kryesore në provat e vaksinës kineze Sinovac në Indonesi ka vdekur të mërkurën pasi dyshohet se ishte infektuar me Covid-19.
Vdekja e Novilia Sjafri Bachtiar vjen ndërsa viktimat nga koronavirusi arrijnë nivele rekord në Indonezi, një nga vendet ku vaksina Sinovac është përdorur më gjerësisht.
Mediat vendase thanë se Novilia kishte vdekur nga koronavirusi.
Sindonews citoi një zyrtar të ndërmarrjes shtetërore të farmaceutikës BioFarma i cili thoshte se ajo ishte varrosur sipas protokollit të Covid-19.
Drejtori i ndërmarrjeve shtetërore Erick Thohir postoi një mesazh në Instagram për ndarjen nga jeta e saj, ndërsa nuk dha detaje mbi arsyen.
"Ajo ishte shkencëtarja kryesore dhe drejtuese e dhjetëra provave klinike të bëra nga BioFarma, duke përfshirë provat klinike të vaksinës së Covid-19 në bashkëpunim me Sinovac," tha ai.
"Sinovac është prodhuar dhe injektuar në dhjetëra miliona njerëz në Indonezi, si pjesë e përpjekjes tonë për të qenë të lirë nga kjo pandemi e Covid-19."
Indonezia raportoi më shumë se 1.000 vdekje të koronavirusit në ditë për herë të parë të mërkurën dhe një rekord prej 34,379 raste të reja.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
