Jeremy Meeks njihet ndryshe në internet si “krimineli më i bukur në botë”. Ish-i dënuari që u bë model ka fituar lirinë por e shkuara e përndjek ende. Eric Castillo ishte vetëm 16 vjeç dhe kishte një pasion të vetëm: basketbollin.
Në vitin 2004, ai u bë viktima e pafajshme e një përplasjeje mes bandash. 16-vjeçari u vra ndoshta gabimisht nga David Lewis, që atëherë ishte vetëm 17 vjeç dhe bënte pjesë në bandën Crips, një prej më të dhunshmeve në Kaliforni, pjesë e të cilës ishte dhe Jeremy Meeks.
Pasi ky i fundit doli nga burgu dhe u bë i famshëm si model, mamaja e Eric-ut, Karmen, nuk e ka përmbajtur mllefin për bandën që i mori jetën të birit.
“Më dhemb kur shoh një njeri si Meeks të shpërblehet në mënyrë të tillë pas asaj që banda e tij ka bërë. Kjo më mbush me hidhërim. A jemi ne të sigurt se ai nuk është më pjesë e asaj bande. Nuk e kuptoj pse një njeri i tillë nderohet në vend që të ndëshkohet”, thotë ajo.
Vetë Meeks tashmë është një yll pasarelash dhe shoqërohet me femra të pasura. Por ai thotë se e ka lënë pas të shkuarën. “Nuk është e lehtë kur e di se historia jote është pjesë e domenti publik, kam frikë se edhe fëmijët e mi do ta lexojnë. Tatuazhet në trupin tin bëjnë pjesë e kësaj të shkuare që dua ta hedh pas krahëve”, ka thënë ai.
Shumë prej tatuazheve të tij janë bër në kohën kur ishte pjesë e bandës, ndërsa ai në formë loti në cepin e syrit simbolizon një vrasje në luftën mes bandave rivale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
