Presidenti i Kosovës Hashim Thaçi, ashtu si dje edhe sot, për të dytën ditë radhazi, është marrë në pyetje nga Zyra e Prokurorit Special në Hagë lidhur me aktakuzat e ngritura për krimë lufte. Seanca nisi në orën 13:00 ndërsa zgjati për 6 orë, duke përfunduar rreth orës 19:00.
Ndryshe nga dita e hënë, teksa doli nga gjykata, Thaçi sot nuk pranoi të fliste për gazetarët, duke lënë enigmë atë që mund të jetë ballafaquar. Ndërkohë është mësuar se edhe nësër presidenti i Kosovës do të merret në pyetje, po në të njëjtën orë, 13:00.
Teksa dilte të hënën nga gjykata Thaçi u shpreh se u diskutua për “çështje sqaruese, teknike” dhe për “ato fillestaret lidhur me interesimin e prokurorëve për Ushtrinë Çlirimtare të Kosovës”.
Thaçi më herët ka deklaruar se do të japë dorëheqje nga posti i presidentit, nëse aktakuza kundër tij konfirmohet. Gjykatësi i procedurës paraprake ka maksimum gjashtë muaj kohë, nga muaji prill, për të konfirmuar ose hedhur poshtë aktakuzën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
