Ervis Martinaj/ Balla: Policia ka shumë informacion mbi çështjen

Ministri i Brendshëm Taulant Balla deklaroi sot në një dalje për mediat se Policia ka shumë informacion lidhur me çështjen “Ervis Martinaj”. Megjithatë Balla vuri në dukje se dokumentimi kërkon kohë, e kësisoj nuk mund të japë informacione specifike për momentin. 

Kjo çështje ka qenë një nga ato të orëve ta para, mbetet sfidë e pazgjidhur ende, sa i përket referimit përfundimtar në gjykatë.
Policia ka shumë informacion për këtë çështje, por dokumentimi kërkon ende kohë, mund e angazhim nga policia, unë nuk do jap një informacion. Në momentin që do të kemi një pasqyrë të plotë, mezi pres të dal para jush për të sqaruar publikisht. 

Mendoj është ngjarje e rëndë e rëndësishme që ka të bëjë me indikatorët e performacës së punës së Policisë së Shtetit. Drejtori i policisë e di peshën e gurit të rëndë të urdhrit të kryeministrit, po bëjmë çka është e mundur për t’i shkuar në fund të kësaj çështjeje. S’dua të ndaj informacione sepse janë të klasifikuara sekret”.