Berlini tha se nuk mund të dërgojë tanke “Marder” nga rezervat e ushtrisë së tij në Ukrainë, sepse i duhen për mbrojtjen e vet, duke ngritur pikëpyetje mbi aftësinë më të gjerë të Gjermanisë për të ofruar armatime të rënda në Kiev në luftën e saj kundër Rusisë.
“Politico.eu” raportoi të enjten se kancelari gjerman Olaf Scholz po vononte marrjen e një vendimi përfundimtar mbi dërgimin e tankeve në Ukrainë.
Kompania gjermane e mbrojtjes Rheinmetall ka sinjalizuar se mund të sigurojë 100 tanke, të cilat janë aktualisht në posedim të firmës. Por një zëdhënës i ministrisë së mbrojtjes u tha gazetarëve të premten se pasi ministria shqyrtoi mundësinë doli në përfundimin se është e parealizueshme.
“Pas një ekzaminimi kemi dalë në përfundimin se nuk është gjëja e duhur sepse Gjermania nuk do të ishte në gjendje të përmbushte detyrimet e saj të mbrojtjes kombëtare si dhe detyrimet e saj në aleancën ushtarake të NATO-s nëse do të jepte tanke nga forca e saj aktive ushtarake”, tha zëdhënësi.
“Ne gjithashtu kemi një detyrë të përcaktuar me Kushtetutë, pikërisht mbrojtjen kombëtare”, shtoi ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
