Nikos Michaloliakos, ish-udhëheqësi i grupit neo-nazist Agimi i Artë, i cili po vuante një dënim për drejtimin e një organizate kriminale, do të lirohet nga burgu, ka vendosur sot gjykata.
Në vendim thuhet se ish-kreu i Agimit të Artë plotëson kërkesat formale për lirim të parakohshëm me kusht.
Në seancë, prokurori publik argumentoi kundër lirimit të Michaloliakos, duke thënë se megjithëse i plotëson kërkesat ligjore, ai nuk është penduar për veprimet e tij, duke e konsideruar burgosjen e tij si politike.
Megjithatë, është vlerësuar glorifikimi i ideolo0gjisë neonaziste nuk përbëjnë veprime të paligjshme.
Në bazë të vendimit të gjykatës, atij i ndalohet largimi nga Atika, i kërkohet të paraqitet një herë në muaj në komisariatin më të afërt dhe nuk lejohet të shoqërohet me të pandehurit e tjerë të krimit të Agimit të Artë. Kujtojmë që më tetor të 2020-ës ai u dënua me 13 vjet burg për drejtimin e një organizate kriminale, që nxiste urrejtje dhe dhunë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
