Një organizatë studentore e Bangladeshit bëri thirrje që protestat të rifillojnë të hënën, më 29 korrik, pasi kërkesat e saj u shpërfillën nga kryeministri Sheikh Hasina pas trazirave që lanë 205 të vdekur.
"Qeveria vazhdon të tregojë pandjeshmëri totale ndaj lëvizjes sonë", tha Abdul Kader, një nga koordinatorët e Studentëve Kundër Diskriminimit, organizata që qëndron pas lëvizjes protestuese kundër kuotave të punësimit në shërbimin civil në Bangladesh.
Pas një moratoriumi njëjavor, anëtarët e Studentëve Kundër Diskriminimit kërcënuan të dielën se do të rifillojnë demonstratat nëse qeveria vazhdon të shpërfillë kërkesat e tyre.
Përleshjet midis demonstruesve dhe policisë kanë lënë pas 205 të vdekur që nga fillimi i kësaj lëvizjeje në fillim të korrikut.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
