Pas shkatërrimit nga ana e protestuesve paraditen e sotme të selisë së PS në Shkodër, ku janë thyr xhamat më gurë dhe më pas u shkallmua dera e kamerat e sigurisë, deputeti Ilir Beqaj dhe Taulant Balla nga qyteti i Shkodrës kanë mbajtur një deklaratë për shtyp.
Balla ka akuzuar PD-në dhe LSI-në për këto protesta të dhunshme, për të cilat thotë se janë porositur nga Sali Berisha, Ilir Meta, Monika Kryemadhi dhe Lulzim Basha.
Kryetari i Grupit Parlamentar socialist, Taulant Balla, në komunikimin me mediat atje tha se opozita po shfrytëzon një ngjarje të rëndë, një krim të një polici i cili për këtë krim është në proces.
“Jam i bindur se çfarë ndodhi sot nuk është vepër e shkodranëve, pasi shkdoranët janë simbol i demokracisë. Ka ardhur nga PD që po e përdor Shkodrën për qëllime të ndyra politike dhe me ta është edhe Ilir Meta. Sulmi është një sulm i porositur nga Tirana dhe ka për autor Sali Berishën, Ilir Metën, Monika Kryemadhin dhe për fat të keq edhe Lulzim Bashën që s’ka mundësi të ndërhyjë në këtë urdhër. Nuk jemi sot për të parë selinë e dëmtuar të PS-së, sepse PS nuk është një seli, është forca më e madhe politike në Shqipëri, dhe nuk ka dyshim që do të fitojmë në 25 prill.
Këtu jemi për të denoncuar këtë skenar dhune që nisi duke vjedhur një protestë paqësore për një humbje jete. Ne socialistët i shprehim ngushëllimet tona familjes sepse një punonjës nuk përfaqëson Policinë e Shtetit, i cili po ndëshkohet për krimin që ka bërë. Ky është standardi dhe krahasimi ynë me ata. Në 2011 nuk zbatohej urdhri i prokurorisë për të arrestuar ata që kishin kryer vrasjet.
Monika Kryemadhi është rekrutuese e minorenëve, i bëj thirrje të heqi dorë dhe prindërve që të mos i lejojnë. Prokuroria ka bërë verifikimet dhe ne nxisim t’i shkojnë deri në fund. Kjo protestë është iniciuar nga PD dhe LSI në Shkodër dhe nga Voltana Ademi”, tha Balla.
Drejtuesi politik i PS-së në qarkun Shkodër, Ilir Beqaj theksoi se opozita po përdor fëmijët si “kamikazë”.
“Shkodranët dhe shqiptarët janë të mençur për të kuptuar se një polic nuk është Policia e Shtetit. Ka përpjekje të shëmtuar për të përdorur fëmijët si kamikazë. Më vjen keq pse u zgjodh Shkodra për këtë provokim. Shkodra është e demokratëve dhe e socialistëve, por edhe mbarë shqiptarëve. Në Shkodër nuk ka ndodhur kurrë më parë që ndodhi sot. Ne do të vazhdojmë që të qëndrojmë me vendosmëri. Ka kohë që Sali Berisha mburret se ka vrarë njerëz në bulevard më 21 janar”,- tha Beqaj.
Protestuesit sot në Shkodër nxorën çdo gjë që ndodhej brenda selisë së PS-së, objektet dhe dokumente duke i vënë zjarrin para hyrjes së selisë rozë në qytetin e Shkodrës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
