Odhise Andrea bashkëshorti i gjyqtares së Gjykatës së Lartë Majlinda Andrea është dorëzuar ditën e sotme në polici.
Lajmin e ka konfirmuar avokati Ardian Visha. Çifti Andrea u vunë në një skandal korrupsioni me disa prona në Ksamil. Ata kishin marrë ryshfet rreth 50 mijë euro për të dhënë vendim pro një pale. Ish-punonjës i Kuvendit të Shqipërisë Odhise Andrea ishte edhe sekseri në këtë skemë. Prej muajsh ai ka qenë në kërkim nga Policia.
Ai është dorëzuar në orët e vona të mbrëmjes së sotme në ambientet e policisë së kryeqytetit.
Ai akuzohet se ka luajtur rolin e sekserit në një çështje të bashkëshortes së tij, ku akuzohen se kanë përfituar 50 mijë euro për të dhënë vendim në favor të një shtetaseje, për njohjen e një sipërfaqe toke rreth 40 hektarë, në zonën e Butrintit.
Prokuroria e Përgjithshme më 16 korrik 2016 zbardhi skemën e dhënies së parave si dhe personat e përfshirë në këtë skemë korruptive. Ndërsa vendimi që shkoi në favor të palës që paguar shumën në fjalë dhe është marrë më 12 korrik 2016, një ditë pasi u morën paratë.
Për dosjen janë arrestuar edhe shtetasit Ilia Çabiri, Petraq Dashi dhe Eleni Lino.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
