Në Hënë ka ujë dhe në një sasi shumë më të madhe sesa mendohej. Pika e kthesës për misionet e ardhshme njerëzore vjen nga dy studime të botuara në revistën Nature Astronomy. I pari, i koordinuar nga NASA, demonstron zbulimin e qartë të të molekulës së ujit (H2O), zbuluar për herë të parë në Hënë nga teleskopi fluturues “Sofia”. Studimi i dytë, i kryer nga Universiteti i Kolorados, vlerëson se më shumë se 40 000 kilometra katrorë të sipërfaqes hënore mund të kenë ujë në formën e akullit.
Hulumtimet e mëparshme kishin treguar praninë e mundshme të ujit në sipërfaqen hënore, posaçërisht afër polit të Jugut, por instrumentet e përdorura për zbulimet nuk lejuan të dallonin nëse ishte molekula e ujit H2O ose nga hidroksili (OH) i lidhur me mineralet. Teleskopi Sofia, i montuar në bordin e një Boeing 747, ka zgjidhur misterin duke analizuar spektrin e Hënës në një gjatësi vale prej 6 mikrometrash në të cilin uji nuk mund të ngatërrohet me asgjë tjetër.
Rezultatet e analizave tregojnë se në gjerësitë më jugore uji është i pranishëm me bollëk (rreth 100-400 pjesë për milion), ndoshta i mbërthyer në matrica qelqi ose shkëmbore. Kjo tregon se Hëna mund të jetë më pak e thatë se sa pritej, por nuk është ende e mundur të përcaktohet se sa ujë ka dhe sa është i përdorshëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
