Në studion e emisionit «Arnautistan”, Mustafa Nano dhe Kastriot Çipi debatuan mbi lëvizjen e dhjetorit ’90. Sipas Nanos, komunizmi ishte në kolaps dhe kjo shpjegon edhe protestat pa viktima, ndërsa sipas Çipit, përdorimi i tankeve tregon forcën e regjimit.
Nano: Skrapari është gjëja më komuniste në Shqipëri. Unë kam qenë atje bashkë me njerëzit që themeluan PD.
Çipi: Çne ti edhe komunist edhe themelon PD? A ke qenë për ndryshim.
Nano: Sigurisht që kam qenë për ndryshim. Unë nuk sheh dëngla Kastriot. Në Skrapar ishte një mjedis shumë i komunistizuar. Bastioni i komunizmit ishte atje. Pas rënies së bustit krijuam PD. Ishte një gjë që kërkonte këllqe. Por unë nuk e mbaj mend si një periudhë që obobo komunistë dhe nuk dija ku të fshihesha.
Çipi: Pasi ishte lejuar pluralizmi?
Nano: Ti fole për shkurtin, që në shkollën ushtarake po bëhej nami.
Çipi: Një pjesë e eksponentëve të PD i kishin frikë nga konfrontimet. Të nesërmen a dolën dy tanke në urën e madhe të bulevardit?
Nano: Sa vetë u vranë Kastriot?
Çipi: Nuk u vranë sepse pati një ndërhyrje shumë për t’u lavdëruar nga Neritan Ceka.
Nano: Sa veta u vranë?
Çipi: Mirë mo Muç, dakord. Nuk kemi bërë asgjë. Ramizi na shpëtoi, na mësoi pluralizmin.
Nano: Komunizmi ra, mbaroi vetë.
Çipi: Nuk mbaroi vetë, ligjin e zgjedhjeve e bënë si deshën. Në kufi të vrisnin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
