Gazetari Sokol Bregu tha në studion e lajmeve të MCN Tv se babai i Roan Brahimit mund të jetë vrarë për të mos e lënë familjen e këtij të fundit të mendojë për hakmarrje të mundshme.
Ai shtoi se Prokuroria e Lezhës është me hetimin më të dobët dhe kjo gjë tregon edhe mungesën e arrestimeve.
Kemi të bëjmë me një hakmarrje të vjetër, pavarësisht si pistat e policisë janë 3 sepse djali i viktimës, i ekzekutuar në Athinë jetonte në Dubai ishte pjesë e një trafiku lëndësh narkotike. Ka pasur problematika në të shkuarën me grupin më të rrezikshëm në atë zonë. Sa kohë nuk kemi përfundim kush e kreu dalim në konkluzionin se 3 pistat e policisë të kryera në kohë, të mbetemi në këtë pikë. Vrasja ka ardhur si rezultat për të mos e lënë familjen të mendojë për hakmarrje të mundshme. Viktima ishte në dijeni të një problematike të djalit të tij, se kush e ka qëlluar. Familjet ecin më shpejt se policia në hetimet e tyre, e kanë një nuhatje apo ndonjë ide se kush i ka qëlluar dhe kjo është histori e ditur. Mendoj se policia, prokuroria jo se nuk ka për ta gjetur, se është vazhdimësi e kalvarit vrasjesh në zonë.
Duhet të kishim arrestime në atë zonë. Prokuroria e Lezhës, është prokuroria me hetimin më të dobët. Prokuroria e Lezhës ka dhe Mirditën, nuk ka asnjë të arrestuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
