Ndalohet diskriminimi i njerëzve në bazë të peshës së tyre, kur bëhet fjalë për të drejtat e punësimit dhe strehimit.
Ky është ligji i nënshkruar nga kryetari i bashkisë së New Yorkut, Eric Adams.
Pesha dhe gjatësia i shtohen më pas listës së karakteristikave që nuk mund të diskriminohen, e cila tashmë përfshin racën, gjininë, moshën, fenë dhe orientimin seksual, sipas New York Times.
Projektligji u miratua nga Këshilli i Qytetit të New Yorkut në fillim të majit, pasi dëgjoi provat për diskriminimin ndaj personave që janë mbipeshë ose obezë.
Vetë Adams, një demokrat afrikano-amerikan në detyrë që nga janari i vitit të kaluar, kishte humbur 35 kilogramë në një dietë vegane pasi zbuloi se ishte diabetik.
Mjediset e punës, tha ai duke komentuar ligjin e ri, duhet të jenë gjithëpërfshirëse, duke kujtuar se është dëshmuar se pamja e trupit nuk është domosdoshmërisht një tregues i shëndetit.
Ligji është pjesë e një fushate mbarëkombëtare për të trajtuar diskriminimin në peshë: Në shtetin e Miçiganit dhe Uashingtonit, si dhe në Uashington DC, ndalimi është tashmë në fuqi ndërsa ligjvënësit në New Jersey dhe Massachusetts janë duke e shqyrtuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
