Një diplomat tjetër kanadez në Havanë është diagnostikuar me sëmundjen misterioze, që ka prekur disa zyrtarët amerikanë dhe kanadez të vendosur në Kubë që prej vitit 2016. Rasti e çon në 13 numrin e diplomatëve dhe familjarëve të tyre të prekur nga kjo sëmundje, raporton AFP.
Një zyrtar i lartë i qeverisë kanadeze tha se simptomat janë të njëjtat me ato të paraqitura te të prekurit e tjerë.
Autoritetet amerikane dhe kanadeze kishin dyshuar fillimisht për një sulm me një lloj arme akustike, që çoi në tensione ndërmjet Uashingtonit dhe Havanës.
Por nga kryeqyteti kanadez, më vonë u tha se kjo është “e pamundur”.
Mjekët dhe zyrtarë amerikanë kanë thënë se bëhet fjalë për një “lloj të ri të dëmtimit të mundshëm të trurit”.
Simptomat e sëmundjes përfshijnë: marrje mendsh, lodhje, dhimbje koke, komplikime në dëgjim, humbje e ekuilibrit dhe paaftësi në përqëndrim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
