Policia e Roskovecit ka vënë në pranga një 43-vjeçar me iniciale A.Ç pasi ishte shpallur në kërkim për përndjekje.
Po ashtu bëhet me dije se një 27-vjeçar me iniciale A. Xh., është proceduar në gjendje të lirë pasi gjatë kontrollit në çantën e tij i gjetën dhe i sekuestruan një sasi të vogël kanabisi.
Njoftimi: Roskovec/ Vihet në pranga një shtetas, si dhe procedohet në gjendje të lirë një tjetër, për vepra të ndryshme penale.
Specialistët për Hetimin e Krimeve në Stacionin e Policisë Roskovec, në vijim të punës për kapjen e shtetasve të shpallur në kërkim, bënë ndalimin e shtetasit A. Ç., 43 vjeç, banues në Roskovec, pasi, për këtë shtetas, Gjykata e Shkallës së Parë Berat, me vendimin e datës 23.07.2022, ka caktuar masën e sigurisë "Arrest në burg", për veprën penale "Përndjekja".Ky shtetas iu dorëzua DVP Berat, për veprime të mëtejshme procedurale.
Specialistët e Seksionit për Hetimin e Narkotikëve në DVP Fier referuan materialet në Prokurori dhe filloi procedimi penal për shtetasin A. Xh., 27 vjeç, banues në Darëzezë, Fier, pasi gjatë kontrollit në çantën e tij, shërbimet e Policisë i gjetën dhe sekuestruan një sasi të vogël lënde të dyshuar narkotike cannabis sativa.
Materialet i kaluan Prokurorisë, për veprime të mëtejshme procedurale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
