Viti i Ri 2021 mbërriti edhe në Shqipëri, por këtë herë festa u shkoi njerëzve nëpër shtëpi.
Të gjithë qytetarët në Tiranë dhe qytete të tjera shijuan pak pas mesnate spektaklin e fishekzjarrëve, nga ballkonet dhe dritaret e shtëpive të tyre.
Tirana dhe qytetet e tjera pritën ndërrimin e viteve kur akrepat e orës shënuan 00:00 me fishekzjarret shumëngjyrëshe që shkëlqyen në qiellin e kësaj mbrëmjeje.
Këtë vit në të gjithë botën, Viti i Ri 2021 erdhi në një atmosferë ndryshe, pa njerëz në sheshet kryesore të qyteteve, për shkak të pandemisë COVID-19.
Në të 11-të njësitë administrative të Tiranës, në 11 vende publike një spektakël fishekzjarrësh shpërtheu në qiell, i shijuar nga banorët e kryeqytetit nga ballkonet e shtëpive të tyre.
Më të gëzuar janë fëmijët që shijojnë me kënaqësi spektaklin e fishekzjarreve, ndërsa të rinjtë me celularët në duar nxituan të fiksojnë fotografitë e kësaj nate magjike, që këtë vit erdhi ndryshe në shumë vende të botës.
Çdo vit ishte bërë traditë që të kishte një spektakël fishekzjarrësh për të pritur Vitin e Ri në sheshin “Skënderbej”, por këtë herë për shkak të pandemisë, shkoi festa te njerëzit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
