Gjashtë avionë rusë u zbuluan nga avionët e NATO-s ndërsa fluturonin mbi Detin Baltik në dy ditët e fundit, tha ushtria letoneze në orët e vona të së shtunës.
Avionët rusë u identifikuan duke fluturuar pa plan fluturimi dhe me transponderët e fikur midis të premtes dhe të shtunës, njoftuan Forcat Ajrore Letoneze në një deklaratë të postuar në X.
Sipas deklaratës, avionët gjermanë Eurofighter u vendosën për të paralajmëruar avionët rus dhe për t’i shoqëruar ata, ndërsa hapësira ajrore e Letonisë nuk u shkel.
Forca Ajrore Gjermane tha nga ana e saj të shtunën se kishte identifikuar pesë avionë rusë që fluturonin mbi Detin Baltik dhe kishte vendosur Eurofighters për t’i shoqëruar.
Në fillim të këtij muaji, ministria e Mbrojtjes e Letonisë tha se një dron rus u rrëzua në rajonin Rezekne në lindje të vendit, pasi kishte fluturuar përmes Bjellorusisë, ndërsa Letonia informoi NATO-n për incidentin.
Dronët rusë kanë hyrë në territorin rumun disa herë gjatë muajve të fundit, ndërsa Moska vazhdon të bombardojë rajonin fqinj Odesa në Ukrainë.
Ndërkohë, forcat ajrore të Kievit thanë të dielën se kishin rrëzuar 71 nga 80 dronë rusë që u lëshuan kundër Ukrainës gjatë natës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
