Ish-basketbollisti dhe arbitri i ndeshjeve të volejbollit, Petraq Gjogu ka ndërruar jetë si pasojë e COVID-19. 72-vjeçari ishte i shtruar prej 2-javësh në Spitalin Infektiv në Tiranë. Ai ndodhej prej disa ditësh i intubuar dhe nuk mundi dot ta fitojë betejën me koronavirusin.
Kujtojmë që 72-vjeçari Petraq Gjogu ka qënë basketbollist i ekipit të Tomorrit deri në vitet 1999 dhe më pas ai u emërua gjyqtar i ndeshjeve të volejbollit në vend. Në vitin 2001, Gjogu u emërua Kryegjyqtar i Kolegjit të Arbitrave për volejbollin në Berat.
Pas lajmit për vdekjen e tij, ka reaguar edhe selia e PD Berat, ku Gjogu ishte pjesë e strukturave të saj që pas viteve ’90. Kryetari i PD Berat, Gazmend Azizi, duke e cilësuar 72-vjeçarin Gjogu “demokrat të orëve të para”, i ka përcjellë familjes ngushëllimet e përzemërta.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
