Gjykata e Tiranës ka dënuar me 10 vite burg Fatos Gurakuqin, i akuzuar për abuzim seksual me të bijën 15-vjeçare. Vendimi është dhënë nga gjyqtari Gerti Hoxha.
Akuzat e vajzës ndaj babait u provuan në shtator të këtij viti nga analiza e ADN-së, sipas të cilës kampionë të mbetjeve humane në teshat e vajzës, kanë të njëjtin ndërtim gjenetik me kampionin e pështymës që i është marrë në sallën e gjyqit të pandehurit Fatos Gurakuqi.
Vetë Gurakuqi i ka mohuar akuzat edhe pas ekspertizës së AND-së. Ndërsa familjarët e tij janë shprehur se babai 39-vjeçar ka abuzuar seksualisht me të bijën minorene për mbi 10 muaj derisa në fund vajza e ka denoncuar fillimisht tek e ëma dhe më pas edhe në polici.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
