“Manastiri”/ Bajrami: Deri në kufirin shqiptaro-grek do ndërtohen 7 fshatra turistike

Të paktën 150 banorë të zonës së Manastirit kanë kërkuar transparencë për zbatimin e një projekti për ndërtimin e një fshati turistik. 

Anëtari i pavarur i Këshillit Bashkiak të Sarandës, Ibrahim Bajrami, tha për edicionin e lajmeve në MCN TV, se zona nuk është në e mbrojtur dhe se nuk ka asnjë strategji për të mbrojtur speciet e zhdukura.

Sipas tij, që nga fshati i Berdeneshit deri në kufirin shqiptaro-grek do të ndërtohen shtatë fshatra turistike, që nisën në atë pikëzën e vogël në Manastir.

Ka disa gjëra që dihen dhe shumë gjëra të tjera që nuk dihen. Zona ka qenë zonë e mbrojtur, por nuk është më. Gjithmonë surprizohemi, sidomos këta pasionantët që pëlqejnë të ecin në zonë përballen me njerëz që pretendojnë se zotërojnë zonën. 

 

Butrinti ishte një zonë e mbrojtur nuk është më. 247 lloje shpendësh, apo 90% e shpendëve që e gjejnë veten në territorin shqiptar, përfaqësohen në zonë. Nuk ka asnjë strategji për të mbrojtur speciet e zhdukura. 

 

Ato 35 specie që janë botërisht të rrezikuara dhe që e gjejnë veten të përfaqësuar në diku zonën e mbrojtur. Sot dyshojmë se zona nga ku ka nisur jeta e lashtë, nuk është e përfaqësuar në zonat e mbrojtura. Zona është e përfaqësuar nga gjallesat.

 

Që nga fshati i Berdeneshit deri në kufirin shqiptaro-grek do të ndërtohen shtatë fshatra turistike, që nisën në atë pikëzën e vogël në Manastir. 

 

Ndërtime që i gjen në një vend me çmim jashtëzakonisht të lartë dhe tashmë ajo zonë ka bllokuar aksesin në det, në ish-plazhin e Manastirit dhe ka bllokuar rrugën e aksesit në bregdet.

 

Diskutimet në Këshillin Bashkiak Sarandë janë modeste. Ne nuk jemi vendimmarrës për ndërtimin.