Policia greke arrestoi në qytetin e Selanikut një shtetas shqiptar 23-vjeçar, me akuzën e depozitimit dhe trafikimit të lëndëve narkotike, si dhe të armëmbajtjes pa leje.
Shtetasi shqiptar Françesko Nazifi, ra në pranga pasi në shtëpinë e tij, të ndodhur në lagjen “Ano Poli” të qytetit, janë gjetur në cilësinë e provës materiale gjatë një operacioni policor, 6 pako me lëndë narkotike të dyshuar si hashash, me peshë prej 6.2 kg, një kallashnikov, një pistoletë, disa karikatorë, fishekë të diametrave të ndryshëm, një granatë dore, telefona celularë dhe një shumë parash.
Lëndën narkotike, i arrestuari shqiptar e kishte fshehur në një gomë rezervë. Sipas burimeve pranë Drejtorisë së Policisë, 23-vjeçari cilësohet si kreu i një grupi që merr në dorëzim, depoziton dhe shpërndan lëndët narkotike në këtë qytet.
Nazifi është çuar në Prokurorinë e Selanikut, ndërsa hetimet për anëtarët e tjerë të rrjetit vazhdojnë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
