Mesfushori i Barcelonës, Arda Turan, dhe yje të tjerë të futbollit turk janë rreshtuar pro fushatës “Po” në referendumin që pritet t’i japë pushtet më të madh presidentit të vendit, Rexhep Taip Erdoan.
Turan dhe ishlojtari i Gallatasarajit, Burak Jilmaz, i cili luan për Bezhing Guoanin, iu bashkua fushatës në rrjetet sociale, e iniciuar nga legjenda e futbollit turk, Ridvan Dilmen për të tërhequr sa më shumë votues pro referendumit.
Ai pritet të mbahet në gjysmën e parë të muajit prill, pasi Parlamenti dha dritën jeshile.
Presidenti Erdogan mori mbështetjen e shumë figurave të sportit pas dështimit të grushtit të shtetit më 15 korrik.
Referendumi për hartimin e një kushtetute të re synon të ndërtojë një sistem të ri presidencial, por që shihet si shumë i rrezikshëm nga kritikët e Erdoganit, pasi i jep më shumë pushtet presidentit dhe i hap rrugën një diktature në vend.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
