Dita e sotme shënon edhe ditën e fundit të masave kufizuese të pjesshme që u ndërmorën nga Komiteti Teknik i Ekspertëve, vetëm tre javë më parë. Siç dhe lajmëruan, për tre javë, Shqipëria u mbyll në orën 22:00 dhe u rihap në orën 06:00.
“Këto masa do të hyjnë në fuqi ditën e mërkurë në 11 Nëntor dhe do të zgjasin deri në tre javë. Masat do të rishikohen çdo javë në varësi të situatës dhe dinamikës së ngjarjeve”, njoftonte MSH.
Por dita e fundit që do të aplikohet ora policore është sot, duke shtuar dyshimet se çfarë masash do të ndërmerren nga Komiteti Teknik i Ekspertëve. Në fuqi mbetet mbajtja e maskës në mënyrë të detyrueshme dhe mos lejimi i grumbullimit të më shumë se dhjetë personave.
Komiteti i Ekspertëve i ka propozuar qeverisë dhe kryeministrit Edi Rama mbylljen e vendit nga e premtja deri të hënën, për të kufizuar lëvizjen e qytetarëve gjatë fundjavës.
Megjithatë deri më tani nuk ka ende një njoftim zyrtar as nga ekspertët dhe as nga ministrja e Shëndetësisë, Ogerta Manastirliu.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
