Kolegji Zgjedhor ka vendosur që të përsëriten zgjedhjet për bashkinë e Rrogozhinë, duke hedhur poshtë rezultatin paraprak. Pak ditë më parë u rinumëruan votat në këtë bashki dhe Edison Memolla, kandidati i Partisë Socialiste, rezultoi fitues. Edison Memolla rezultoi me 21 vota avantazh nga 30 të tilla që kishte shpallur KZAZ. Më parë Komisioni i Ankesave dhe Sanksioneve pranë KQZ-së vendosi me shumicë votash për rrëzimin e kërkesës së koalicionit “Bashkë Fitojmë” për shpalljen të pavlefshme të kutisë së burgut të Rrogozhinës. Përsëritja e zgjedhjeve zhvillohet jo më vonë se 4 javë nga data e vendimit. Data e zgjedhjeve caktohet me dekret të Presidentit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
