Të paktën 10 persona u vranë në një sulm të armatosur në Guayaquil, porti kryesor i Ekuadorit dhe qendra ekonomike që ndodhet në gjendje të jashtëzakonshme për shkak të rritjes së dhunës dhe trafikut të drogës.
Një dëshmitar i sulmit të fundit, i cili kërkoi të mos identifikohej, i tha AFP se "pati të shtëna në një vend ku disa njerëz po pinin, kur një grup agresorësh me motoçikleta erdhën dhe i dhanë fund jetës së atyre që ishin këtu".
Policia nuk ka raportuar ende për asnjë të arrestuar.
Qyteti është kthyer një nga qendrat gjithnjë e më të përgjakshme të vendit, ndërkohë që ka një lufte në terren midis bandave rivale të trafikut të drogës.
Pozicioni i qytetit portual në bregun e Paqësorit e bën atë një pikë strategjike për nisjen e dërgesave të drogës në Shtetet e Bashkuara dhe Evropë.
Që nga 1 prilli, Guayaquil ka qenë nën një gjendje të jashtëzakonshme, e cila lejon ushtrinë të mobilizohet në rrugë dhe të zbatojë shtetrrethimin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
