Gjigandi amerikan i teknologjisë “Apple” ka rënë dakord të paguajë 95 milionë dollarë dëmshpërblim, pas një padie që pretendon se asistenti i saj zanor “Siri” regjistroi pa dashje bisedat private të përdoruesve, raportuan disa media, duke cituar të dhënat e gjykatës.
Regjistrimet thuhet se janë shqyrtuar nga kontraktorët e palëve të treta si pjesë e procesit të kontrollit të cilësisë së “Apple”. Dhjetëra miliona njerëz mund të marrin deri në 20 dollarë për pajisje të aktivizuara me “Siri”, si “iPhone” dhe “Apple Watches”. Marrëveshja zbatohet për përdoruesit amerikanë që zotëronin një pajisje të aktivizuar me “Siri” midis 17 shtatorit 2014 dhe 31 dhjetorit 2024, dhe është në pritje të miratimit gjyqësor.
Padia në grup pasoi një raport të vitit 2019 nga “Guardian” që pretendonte se “Siri” mund të aktivizohej aksidentalisht dhe kontraktorët e “Apple” dëgjonin rregullisht informacione konfidenciale mjekësore, pazare droge dhe regjistrime të çifteve që kryenin marrëdhënie seksuale si pjesë e punës së tyre duke siguruar kontroll cilësor të zërit.
Apple mohoi keqbërjen duke rënë dakord për të zgjidhur. Në përgjigje të polemikave në vitin 2019, kompania njoftoi ndryshime në praktikat e saj të privatësisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
