Një organ i veçantë i përkohshëm do të ngrihet pranë Prokurorisë së Krimeve të Rënda për hetimin pasuror ndaj personave të dyshuar për pjesëmarrje në krimin e organizuar, trafikimin dhe korrupsionin.
Udhëzimi për ngritjen e kësaj njësie hetimore është lëshuar dje nga kryeprokurorja Arta Marku.
Afati i funksionimit të saj do të jetë deri në ngritjen e organeve të reja të drejtësisë.
Udhëzimi përcakton se prokuroria dhe policia gjyqësore duhet të identifikojnë personat për të cilët ka hetime apo vendime të formës së prerë, shqiptarë apo të huaj me banim në Shqipëri.
Pas marrjes së dokumentacionit, prokurorët e strukturës së posaçme nën mbikëqyrjen e drejtuesit të Krimeve të Rënda, duhet të vlerësojnë nisjen e hetimit pasuror.
Nëse duke u nisur nga hetimi, arrihet në përfundimin se duhet të vendoset sekuestro mbi pasurinë, atëherë prokurori i çështjes ia kalon rastin strukturës së posaçme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
