Vrau vajzën dhe një italian, shqiptari i tha gruas: Nuk do të vras, duhet të jetosh që të vuash

Nga video tronditëse e xhiruar me celular në Torremaggiore, të Foggias në Itali, menjëherë pas vrasjes së dyfishtë, del një version i ri i fakteve.

45-vjeçari shqiptar Taulant Malaj, i cili ka rrëfyer para hetuesve se ka vrarë vajzën e tij 16-vjeçare dhe italianin që dyshonte se ishte i dashuri i gruas, mësohet se i ka thënë të shoqes se nuk do e vriste.

Nuk po të vras, duhet të mbijetosh dhe të përjetosh gjithë dhimbjen që ti më ke shkaktuar.

Fillimisht u mendua se 16-vjeçarja kishte mbrojtur nënën me trupin e saj. Por në video Taulanti kishte shtuar se do të vriste dhe djalin. 45-vjeçari u ndalua pikërisht teksa ishte në kërkim të djalit 5-vjeçar.

Vogëlushi shpëtoi duke u fshehur pas divanit në dhomën e ndenjjes së shtëpisë.

Vrasësi ishte shumë i lidhur me djalin e tij të vogël dhe këtë e dëshmojnë fotografitë e shumta të publikuara me fëmijën në profilin e tij në Facebook.

Mbrëmjen e së shtunës, pas masakrës, të parët që mbërritën në shtëpi ishin vëllai i vrasësit dhe kunata e tij. Ishin pikërisht ata që e gjetën fëmijën të fshehur pas divanit.

Ky i fundit në momentin e mbërritjes së karabinierëve ndodhej në krahët e të afërmve në gjendje shoku.

Gjendja shëndetësore e 39-vjeçares shqiptare Tefta Malaj, bashkëshortja e Taulant Malaj, e cila natën mes të shtunës dhe të dielës së kaluar vrau me thikë vajzën e tyre 16-vjeçare Xhesika dhe Massimo De Santis, 51 vjeç, njeriun për të cilin shqiptari besonte se ishte i dashuri i gruas së tij.

Ndërkohë gruaja ndodhet në një prognozë të rezervuar por jeta e saj nuk është në rrezik, ndonëse e plagosur me gjashtë goditje thike në bark.

Gruaja e plagosur është shtëpiake, por herë pas here punon si kujdestare për disa të moshuar në fshat. Të dy janë të martuar prej 17 vitesh. Për të konstatuar ekzistencën e lidhjes së dyshuar jashtëmartesore dhe shkëmbimin e mesazheve në një bisedë mes bashkëshortes së vrasësit dhe viktimës, hetuesit italianë i kanë sekuestruar celularët e gruas, bashkëshortit dhe vajzës së saj.

Ndërkohë, po vijojnë hetimet për të identifikuar se kush e ka publikuar videon e vrasjes së dyfishtë në internet dhe në rrjetet sociale.