Partia Demokratike vijon të këmbëngulë në largimin e kryeministri Rama. Pas mbledhjes së sotme me partitë aleate, me të cilat u firmos edhe marrëveshja e koalicionit opozitar, kreu i demokratëve, Lulzim Basha, tha se vetëm largimi i Ramës dhe formimi i një qeverie tranzitore i hapin rrugë zgjedhjeve të lira e të ndershme.
"Kurrë më nuk do të pranojmë një proces zgjedhor fals që prodhon një Parlament fals dhe qeveri false. Do të angazhohemi që zgjedhjet e ardhshme të jenë të lira dhe të ndershme, ku të diktohet vullneti i ri shqiptar. Angazhohemi t'i japim fund krizës kushtetuese, mosfunksionimit të Gjykatës Kushtetuese dhe një prokurorie që heton me dy standarde. Akti i parë i këtij koalicioni do të jetë formësimi i platformës për zgjedhje të lira dhe të ndershme dhe reformimit të thellë të sistemit politik dhe ndarja e krizës ekonomike. Hap i panegociueshëm mbetet zgjidhja politike e institucionalizuar në marrëveshje, largimi i autorit të krimit elektoral, Edi Rama, dhe qeveri tranzitore”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
