Zyrtarët në Turqi thonë se 113 urdhër-arreste janë lëshuar në lidhje me ndërtimet që u shembën në tërmetin e së hënës.
Policia turke ka marrë tashmë të paktën 12 persona në paraburgim, duke përfshirë kontraktorët e ndërtimit.
Numri i personave të konfirmuar se kanë vdekur në Turqi dhe Siri është rritur në më shumë se 30,000. Priten më shumë arrestime, por veprimi do të shihet nga shumë njerëz si një përpjekje për të larguar fajin e përgjithshëm për katastrofën.
Për vite, ekspertët paralajmëruan se shumë ndërtesa të reja në Turqi ishin të pasigurta për shkak të korrupsionit endemik dhe politikave të qeverisë.
Ato politika lejuan të ashtuquajturat amnisti për kontraktorët të cilët devijuan rregulloret e ndërtimit, në mënyrë që të inkurajonin një bum ndërtimi, duke përfshirë rajonet e prirura nga tërmeti.
Mijëra ndërtesa u shembën gjatë tërmetit, duke ngritur pikëpyetje nëse ndikimi i fatkeqësisë natyrore u përkeqësua nga dështimet njerëzore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
