Pak ditë më parë kreu i SPAK, Altin Dumani, iu përgjigj në mënyrë evazive një pyetjeje të bërë në Komisionin Parlamentar të Sigurisë për përgjimin e task Force për zgjedhjet nga agjencitë qeveritare përmes teknologjisë DPI.
“Nuk kam ndonjë koment, nuk kam informacion”, u përgjigj ai.
Lidhur me këtë çështje, MCN iu drejtua me Kërkesë Autoritetit të Komunikimeve Elektronike dhe Postare, prej të cilit ka marrë këtë përgjigje:
AKSK dhe AKEP kanë miratuar Urdhërin e Përbashkët, nr. 89, datë 07 mars 2025 “Për miratimin e masave teknike dhe procedurale për realizimin e TikTok.
AKSK ka përcaktuar si zgjidhje teknike implementimin e teknologjisë Deep Packet Inspection (DPI), pranë sipërmarrësve të komunikimeve. Në AKEP është implementuar Qendra e Kontrollit të Alerteve,e konfiguruar dhe e përdorur ekskluzivisht vetëm për bllokimin e paketave me përmbajtje TikTok, rifreskimin e signaturave të TikTok dhe për asnjë qëllim tjetër.
Sa i përket kërkesës për informacion mbi përgjime të Task-Forcës, kush e ka kërkuar apo arsyen pse është kryer ky përgjim, sqarojmë se AKEP nuk ka kompetencë të trajtojë kërkesën tuaj për sa kohë që çështjet e ngritura në të janë jashtë fushës së veprimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
